2018 Google üçün çətin və dəhşətli il oldu

Yüksək səviyyəli mübahisələrə səbəb olan məhkəmə Google-un ağır ilinin kuliminasiyasına çevrildi. Pichai-nin Konqresdə verdiyi cavablar və müxtəlif məsələlərinə göstərdiyi reaksiya qeyri-qənaətbəxş və qeyri-müəyyən idi.

Google-un icraçı direktoru Sundar Pichai, keçən həftə Konqresdə 3 saatdan çox davam edən sorğu – sualda özünü olduqca soyuqqanlı aparırdı. O, Google-un keçmiş icraçı direktorları Eric Schmidt və Larry Page kimi suallara hazırlıqlı və səbrlə cavab verirdi. Araşdırma bir çox izləyiciləri məyus etsə də, Pichai şirkətin istifadəçilərin gizliliyini qorumaq üçün planlarından danışdı.

Pichai suallardan yayındıqca və qeyri-müəyyən cavablar verdikcə Konqres iştirakçıları şirkət və onun üçün ağır il olduğunu hiss elədi. Google-un 2018-ci ildə ağır ictimai mübahisələr və uğursuzluqlarla üzləşdməsi Pichai-nin qeyri-müəyyən cavablarından hiss olunurdu.

Pichai Konqresdə etiraf etdi ki,

Google üçün dəhşətli il olsa da, yenə də Facebook-dan daha yaxşı idi.

Qarışıq məsələlərin uzun siyahısı

Google-un ötən il bir çox çətin problemlərlə üzləşdi. Şirkətin cavabları adətən əsassız və qeyri-müəyyən idi.

Youtube

Google-un video plartforması olan Youtube ilə başlayaq. O, trendlər bölməsində uyğunsuz və əsassız tanıtımlar edərək “21-ci əsrin ən güclü radikallaşma vasitələrindən biri” kimi özünün yanıldıcı məlumatları ilə təsvir olundu. Şirkət problemli məzmunları dayandırmaq üçün addım atsa da, Pichai Konqresdə qeyd etdiyi kimi, daha çox işlər görülməli idi.

Maven

Sonra yaz aylarında Gizmodo sensasiyon məlumat verdi. O, Google-un Pentagon ilə işlədiyini, dron görüntülərini təhlil etməyə köməklik göstərdiyini dedi. Bu 3 mindən çox işçinin etiraz məktubu imzalamasına səbəb oldu. Şirkət işçilərini sakitləşdirərək “Maven” adlanan layihəsini dayandırdı.

Müxtəliflik

İyun ayında, Alfabet şirkətinin səhmdarlarının yığıncağında, bir qrup Google əməkdaşı şirkətin işçi siyasətində ayrı-seçkilik olduğuna və müxtəlifliyin qorunmamasına etiraz etdilər. Google-un HR məsələlərinə verdiyi cavabların adekvat olmaması bir çox məhkəmə prosesləri ilə nəticələndi.

Requlyatorlar muharibə yolunda

Google qanunla da problemlər yaşadı.  İyul ayında Avropa İttifaqı Google-u Android əməliyyat sisteminin bazar üstünlüyündən sui istifadəsinə görə 5 milyard dollar cərimələdi. ABŞ höküməti də Google daxil olmaqla texnologiya nəhənglərinin rəqabəti boğma çabalarını araşdırır. Şirkət bütün ittihamları rədd etsə də, Konqres araşdırmalarında verilmiş suallar yetərli cavabını tapmadı.

Dragonfly

Yayın sonunda məlum oldu ki, Google Dragonfly adlı gizli layihə üzərində işləyir. Layihənin məqsədi Çində senzura qaydalarına uyğunlaşdırılmış axtarış sisteminin tədbiqi idi. Çin höküməti tərəfindən müəyyən olunmuş insan hüquqları və tələbə etirazları kimi həssas məsələlər axtarışda blok olunmalı, istifadəçilərin axtarışları isə onların mobil nömrələrinə bağlı olmalı idi. Məsələ qanunvericilərin, insan haqqları aktivistlərinin və şirkət işçilərinin qəzəbi və qınağı ilə üzləşdi. Buna baxmayaraq, Google-un bu layihəni davam edib-etməyəcəyi barədə aydın bir cavab alınmayıb.

İşçilərin tətil aksiyası

Google işçilərinin Kaliforniyada etiraz aksiyası

New York Times qəzetinin bir reportajında isə Google cinsi təcavüzdə ittiham olunan işçilərinin bəzilərini hələ də heyətdə saxladığıını və onları cəzalandırmadan işdən uzaqlaşdırdığı açıqlanmışdır. Bundan sonra dünyanın bir çox yerində işləyən 20 000 mindən çox işçi tətil aksiyası keçirməyə başladı. Pichai aksiyadan sonra bəzi dəyişikliklər etməsinə baxmayaraq, aksiya iştirakçıları əsas məsələlərdən yan keçildiyinini vurğulamışdır.

Məxfilik

İki ayrı təhlükəsizlik xətası ilə 52 milyondan çox istifadəçilərin şəxsi profil məlumatını ortaya qoyan Google Plus sosial şəbəkəsinin bağlanması tələb olundu. The Wall Street jurnalı yazır ki, güvən və etibarını itirməmək və istintaqa cəlb edilməmək üçün Google ilk təhlükəsizlik səhvini aylarca açıqlamadı. Şəxsi həyatın məxfiliyinin qorunması cəhətdən həmçinin Google-un istifadəçinin yerini müəyyən etmək mexanizmlərində də xeyli problemlər və qarışıq məsələlər var. Konqresdə bu məsələ ilə bağlı sorğulandıqda Pinchai sualı qarışıq cavablandıraraq başqa istiqamətə yönəltdi.

Etiraz dalğası

Google-un bütün çətinlikləri boyunca, ən yadda qalan işçi aktivistliyinin artması idi. İşçilər ərizələr, açıq məktublar, istefa, etiraz aksiyaları ilə şirkətin biznes müqavilələri, gələcək planları və daxili siyasətindən öz narazılığını bildirdilər.

Səhmdarların iclasında danışan Google işçisi mühəndis Irene Knapp, rəhbərliyin mənalı bir dəyişiklikdən çox “yayınmaq və qaçmaq” taktikasından istifadə etdiyini demişdir.

Tətil aksiyasının təşkilatçıları Google rəhbərliyini daha şəffaf və aydın iş görməyə təşviq etsələr də, Pichai və komandası tələblərin bir qisminə razılıq verməsinə baxmayaraq, “ədalətsizlik, ayrı seçkilik və vəzifədən sui istifadə etmə” kimi məsələləri həll etmədi.

Tətil aksiyasının bir qrup üzvləri CNBC-yə

Baxmayaraq görüləsi çox işlər var, biz 2019-cu ilə ümidlə giririk

deyə müsahibə veriblər.

Daha da pis ola bilərdi – Mark Zuckerburg-dan soruşun desin.

Google və Pichainin cavabları heç kimin xoşuna gəlməsə də, onların vəziyyəti Silikon Vadisindəki rəqibinə nisbətən yaxşıydır.

Analitik Brian Weiser-in sözlərinə görə

Google bu il Facebook-dan daha yaxşı vəziyyətdə idi. Facebook-un qarşılaşdığı məsələlərin çoxu ilə Google da qarşılaşıb, lakin əsas fərqlilik Google-un daha yaxşı idarə olunan şirkət olmasıdır.

CNBC-yə müsahibəsində şirkət əməkdaşlarının biri zarafatı vəziyyəti dəqiq təsvir edir:

Google-un hər hansı bir probleminin partlayış yaradacağı gözlənilən bir anda Facebook hər dəfə ondan daha ciddi məsələ ilə gündəmə gəlir.

Google skandallar və işlərindəki boşluqlarla baxmayaraq, maliyyə cəhətdən dəyişiklik olmamışdır. İnternetin ən gəniş və vacib reklam platformasının genişlənməsi öz işini görür: Alphabet keçən rübdə 9.2 milyard dollar qazancı ötən ilin eyni dövrünə nisbətən 37 faiz artım deməkdir.

Nəzərə alsaq ki, Google üçün gərgin keçən il artıq sonuna çatır, Pichainin gələn il üçün gözlənilən böyük işləri səhmdarları razı salmaq əəzinə işçiləri, rəsmi qurumları və istifadəçiləri sakitləşdirmək olacaq.