3D printerlər mobil telefonunuzun biometrik kilidini aça bilir
3D printerlə çap edilmiş insan başları, hakerlərə və xüsusi xidmət orqanlarına telefonunuzu açmağa imkan verir.
3D-printerlə-hazırlanmış-heykəl
3D printer ilə bir çox şey edə bilərsiniz: protezləşmədən tutmuş odlu silah hazırlanmasına kimi. Hətta 3D-də bir insan başının real ölçülü nüsxəsini çap edə bilərsiniz. Forbes-un müxbiri Tomas Brüster öz başının 3D modelini sifariş etmişdir. Tomas bunu telefonlardakı sifət kilid sisteminin bu 3D model vasitəsi ilə açılmasını test etmək üçün etmişdir. Test 4 Android sistemi və iPhone X üçün nəzərdə tutulmuşdur.
Əgər siz Android istifadəçisisinizsə, onda sizə pis xəbərimiz var. Hücuma qarşı yalnız iPhone X müdafiə oluna bilmişdir.
Görünür şifrə kilid sisteminin dövrü artıq keçmişdir, ələxsus da nəzərə alsaq ki, siz telefonunuzu gün ərzində dəfələrlə açırsınız və bu sizə narahatlıq törədir. Telefon istehsalçıları daha rahat kilid sistemləri yaradırlar.
Hətta əgər Google şirkətinin son model Pixel 3-lərində insan sifətinin tanınmasından çəkinirlərsə belə, Androidlərin bir çox modelləri, Samsungun populyar modelləri daxil olmaqla, daha çox insan sifətinin biometrik xüsusiyyətlərinə arxalanırlar.
Apple özünün son modellərində barmaq izlərinin oxunması üçün nəzərdə tutulmuş Touch ID-sini Face ID-yə dəyişmişdir.
Əgər 3D model sizin telefonunuzu daxilindəki sirləri paylamağa məcbur edə bilirsə, demək bu sizin məlumat üçün böyük təhlükə yaradır. Xakerlər lazım olan məlumatı almaq üçün heç bir davranış kodeksindən istifadə etmirlər, əmin ola bilərsiniz ki, onlar artıq biometrik xarakterisikaları öz işində necə istifadə etmək üçün planlar hazırlayırlar. Bu məlumatlar şübhəsiz ki, bir çox dövlətin xüsusi xidmət orqanları tərəfindən də istifadə edilir.
Bunun üçün biometrik xarakterisikaların müxtəlif toplanma metodlarından istifadə edilməlidir. Bu çətin olsa da mümkündür.
Yüksək keyfiyyətli kameralar və üz tanıma proqramları sayəsində video nəzarət sistemləri daha mükəmməl hala gəlmiş və bu sistemlərin hər yerdə olduğunu nəzərə alsaq, deyə bilərik ki, xüsusi xidmət orqanları tərəfindən biometrik məlumatların yığılması daha da asanlaşmışdır.
Şifrə sistemini tarixə qovuşduğunu qəbul edənlər yenidən düşünməlidir. Şifrə hələ də məlumatlarınızı müdafiə edən yeganə etibarlı vasitədir.
