Apple vs Samsung: rəqabətdən əməkdaşlığa doğru
Bazar günü səhər Apple şirkəti ən güclü rəqiblərindən biri olan Samsung-la əməkdaşlığa başladığını bəyan etdi. Az sonra Samsung Smrat televizorlarının sahibi olan müştərilər iTunes-da olan film və verilişlərə giriş imkanı əldə edəcəklər. AirPlay 2-nin sayəsində iPhone və iPad işlədənlər ekranlarındakı kontenti televizora ötürə biləcəklər.
Apple vs Samsung
Bu bəyanat Apple-ın nə qədər dəyişdiydiyini və xidmətlərini daha böyük insan kütləsinə çatdırmaq üçün əvvəlki rəqibləri ilə necə sıx əməkdaşlıq etdiyini göstərir. O, rəqibi Samsung-la maraqlı tarixə malikdirlər.
Son onilliyin çox hissəsində bu şirkətlərin ikisi də smartfon istehsalçıları arasında lider sayılır. Qeyd edək ki, adətən Samsung daha öndə olmuşdur. İki şirkət uzun müddət məhkəmələrdə mübarizə aparıblar. Apple Koreyalı rəqibini casusluqda və patentlərə məhəl qoymamaqda günahlandırırdı. Ancaq təzəlikcə vəziyyət dəyişdi – daha ağır rəqib peyda oldu – Huawei.
Hazırda çəkişmələrin çoxusu həll edilmişdir. Eyni zamanda Samsung Apple şirkətini iPhone və iPad daxil olmaqla cihazlara lazım olan ekran və digər avadanlıqlar kimi əsas komponentlərlə təmin edir.
Son illər Apple şirkəti iPhone satışının artması şərtləri daxilində böyüməyə davam edən xidmət sahəsindəki biznesinə böyük əhəmiyyət verir. Şirkətin Baş direktoru Tim Kuk (Tim Cook) keçən həftə bəyan etdi ki, şirkət 2020-ci ilə kimi öz xidmət biznesini ikiqat artırmağı planlaşdırır.
Biz iTunes və AirPlay 2 istifadəçilərini Samsung Smart televizorlarının dünya üzrə çoxsaylı müştəriləri ilə tanışlığını səbrsizliklə gözləyirik, belə ki iPhone, iPad və Mac istifadəçilərinin artıq öz sevdikləri kontenti evlərindəki böyük ekranlardan izləmək üçün yeni bir imkan əldə etmişlər.
Bu haqda şirkətin internet proqram təminatı və xidmətlər üzrə vitse-prezidenti Eddi Kyu (Eddy Cue) razılaşma haqda press-relizində münasibət bildirmişdir.
Apple hələki bu barədə məlumat verməsə də, bu ilin sonuna pullu və pulsuz kontenti birləşdirəcək televiziya xidmətinin buraxılışı gözlənilir. Samsung-la partnyorluq, telefon və ya planşetləri olmayan kəslər də daxil olmaqla, ABŞ nəhənginə öz xidmətini daha geniş kütləyə çatdırması üçün yardım edəcək.
