Arktikada ən qalın buz sürətlə əriyir
Dünyanın getdikcə isinməyə davam etməsi, iqlim dəyişikliyini gətirir. Yeni bir araşdırmaya görə, Şimal Buzlu dənizdə yerləşən ən qalın buz kütləsi,Arktikadakı digər buzlardan iki qat sürətli əriyir.
Dünyaya təsir etməyə başlayan iqlim dəyişməsi buzlaqların əriməsi ilə bir daha özünü göstərir. Yeni bir araşdırmaya görə, Şimali Buz Dənizindəki ən qədim və qalın buz digərlərindən iki dəfə sürətli əriyir.
Geofiziki Tədqiqat Məktubları jurnalında dərc olunan AGU-nin yeni araşdırması, Qrinlandın şimalındakı Şimali Buz dənizindəki buzun təsəvvür ediləndən daha hərəkətli olduğunu ortaya qoydu.
Okean cərəyanları və atmosfer küləklərinin buzu, Arktikanın digər hissələrinə köçürdüyü düşünülür. Nəticədə bölgədəki buz kütləsi Arktikadakı digər buzlarla müqayisədə iki dəfə sürətlə düşür.
İqlim modelləşdirməsi Arktikada yayın qısa müddətdə buzsuz olacağını və 2030-cu ildə Arktik Okeanını 1 milyon kvadrat kilometrdən az buzun əhatə edəcəyini proqnozlaşdırır. Arktikanın istiləşməsi yeni dəniz buzlarının meydana gəlməsinə səbəb olan bir mühit yaratdı. Milli Qar və Buz Məlumat Mərkəzinin məlumatına görə,
Arktikanı əhatə edən buzların çoxunun cəmi 1 ilə 4 yaşı var. İncə olan yeni buz gələn yayda əriməyə davam edəcək.
Mütəxəssislərin Last Ice Area (Son Buz Bölgesi) adını verdiyi ərazidəki dəniz buzu 5 yaşından böyük və 4 metr qalınlığındadır. Son buz bölgəsinin buz qalınlığı ildən-ilə 1,2 metr dəyişir. Tədqiqatlara görə, buz hər 10 ildə 0,4 metr incəlir. 1970-ci illərin sonlarından bəri 1,5 metr itirdi.
Son Buz Bölgəsi, sağ qalmaq üçün dəniz buzuna ehtiyacı olan vəhşi təbiətə ev sahibliyi edir. Canlıların istiləşən dünyada geri çəkildiyi son yerdir.
