Avstraliyanın Qüds qərarı heç kəsi razi qoymadı
Avstraliyanın Şərqi Qüdsü ayrıca paytaxt kimi tanıyacağı xəbəri İsrail höküməti tərəfindən narazılıqla qarşılanıb. Baş Nazir Benyamin Netanyahu bildirib ki, Qüdsün İsrail tərəfindən bütövlüklə nəzarətini danaraq şübhə altına salmaq Avstralya hökümətinin “səhv addımıdır”.
İsrailin Baş Naziri Benyamin Netanyahu
Yəhudilər razı qalmadı.
İsrail Şərqi Qüdsü 1967-ci il müharibəsində öz paytaxtının tərkib hissəsi elan edərək özünə birləşdirsə də, beynəlxalq dəstəyi ala bilməyib. Digər tərəfdən Fələstin Şərqi Qüdsü İordan çayının qərb sahilində və Qəzza zolağında yaratmaq istədikləri dövlətin paytaxtı sayır. Bir il öncə ABŞ prezidenti Donald Tramp Qüdsü İsrail paytaxtı qismində tanıyaraq fələstinlirin mübarizəsində yeni manie yaratdı.
Şənbə günü Avstraliyanın Baş Naziri Skott Morrison Avstraliya hökümətinin Qərbi Qüdsü İsrail paytaxtı kimi tanıdığını bəyan etdi, amma fələstinlilərin Şərqi Qüdsə iddialarına da dəstək verdiyini bildirdi.
İsrailin Xarici İşlər Nazirliyinin cavabı bir qədər yumşaq oldu. Avstraliyanın bu gedişi “doğru istiqamətlənən bir addım” kimi dəyərləndirildi. Bazar günü Nazirlər kabinetinin iclasında Netanyahu
Xarici İşlər Nazirliyinin bəyanatına heç bir əlavəm yoxdur
deyərək məsələyə münasibətini dəqiqləşdirməkdən yayındı.
İsrailin regional əməkdaşlıq naziri və Likud partiyasında tərəfdaşı Tsaxi Haneqbi Avstraliya barədə tənqidi fikirlərini gizləmədi:
Təəssüf edirik ki, xoş xəbər verməklə yanaşı onlar bir səhv etdilər. Şəhərin şərqi və qərbi arasında heç bir sədd yoxdur. Qüds tək və bütöv olaraq əbədiyyən İsrailə məxsusdur. Bizim suverenitetimiz bölünməz və sarsılmazdır. Ümid edirəm ki, Avstraliya etdiyi səhvi düzəltmək üçün bir yol tapacaq.
Morrisonun bu addımı ilk dəfə Oktyabr ayında seçkiqabağı kampaniya zamanı səsləndirilərək güclü Yəhudi icmasının rəğbətini qazanmağa hədəflənmişdi. Avstraliya seçiciləri buna rişğəndlə yanaşdı və onun partiyası seçkiləri uduzdu.
Ərəblərin Morrisonun Qüds bəyanatına reaksiyası yekdil deyil.
Fələstinin baş vasitəçisi Saeb Erekat Avstraliyanın bu addımını “daxili siyasətə” yönəldiyini deyərək bildirdi ki,
Qüds şəhərinin ümumi müqəddaratı danışıqlar yolu ilə müəyyən olunacaq, Şərqi Qüdsü isə beynəlxalq hüquq artıq Fələstinin tərkib hissəsi kimi tanıyır.
Ərəb Dövlətləri Liqası xəbəri aqressiv qarşıladı:
Avstraliya açıq şəkildə İsrailin mövqeyi və siyasəti tərəfə meyl edir.
Yeganə istisna kimi, Bəhreynin Xarici İşlər naziri Xalid bin-Əhməd Əl-Xəlifə bir qədər fərqli mövqe nümayiş etdirdi:
Avstraliyanın mövqeyi Fələstinin qanuni tələblərinə zidd deyil və ən əsası – onların Şərqi Qüdsü Fələstin paytaxtı kimi tanımağı ərəblərin sülh mövqeyinə uyğundur.
