Çində Alzheimer üçün dərman təsdiqləndi
Alzheimer üçün uzun illərdir davam edən cəhdlərdən və təcrübələrdən biri nəhayət uğur qazandı. Çinli bir dərman şirkəti, dəniz yosunu istifadə edərək Alzheimer müalicəsini inkişaf etdirdi və Çin dərmanı təsdiqlədi.
Çinli səlahiyyətlilər,, təxminən 20 ildir Alzheimer dərmanının təsdiqlənmədiyi dövrü bağlamaq barədə qərar qəbul etdilər. Səlahiyyətlilər, dəniz yosunundan əldə edilən bir dərman üçün şərtli təsdiq verdilər. Müalicə üçün hazırlanan dərmanı Shanghai Green Valley Pharmaceuticals adlı dərman firması hazırladı.
Dərman təsdiqlənməsi elanı bir çox klinik terapevtin diqqətini çəkdi. Şirkətin açıqlamasına görə hazırlanan Oligomannate adlı dərman yüngül və orta dərəcədə olan Alzheimer xəstələrdə idrak qabiliyyətini inkişaf etdirir. Dərmanın test olunduğu xəstələrdə müalicənin təsirinin 36 həftə davam etdiyi açıqlandı.
Alzheimer dərmanı bu ilin sonunda satışa buraxılacaq
Dərman haqqında ətraflı məlumat hələ açıqlanmasa da, GV-971 adlandırılan Oligomannate bu ilin sonunda Çində satışa çıxarılacaq.
Oligomannate, onlarla eksperimental müalicələrdən fərqli olaraq beyində yığılan zülalları aradan qaldırmır. Bunun əvəzinə beyin və mikrobioma olaraq bilinən bağırsaqdakı bakteriya birlikləri arasındakı əlaqəni modulyasiya edir. Mikrobiom və sağlıq arasındakı bağlantı yeni yaranmış və inkişaf etməkdə olan bir tədqiqat mövzusu olaraq bilinir.
Yeni dərman insanlarda uğurla sınaqdan keçirilib. Şirkətin açıqlamasına görə, Faz 3 sınaqları gələn il təsdiqlənərsə, dərman digər ölkələrdə satılacaq.
