Çinin Las-Veqası olan Makaoya xoş gəlmisiniz

The venetian – Makao

Həvəsdi – Bəs deyil!

Makao limanında cərgə-cərgə avtobuslar turistləri qarşılayır. Şəhərə gələn turistlərin əksəriyyəti qurudan gələn çinlilərdən ibarətdir. Paromdan düşən çinlilər birbaşa şəhərin kazinolarına üz tuturlar, çünki Makao istisna olmaqla Çinin bütün ərazisində mərc oyunları (qumar) qadağandır. Oyunçulara edilmiş vurğu qısa zamanda öz nəticəsini verdi. Bu gün Makaouda dünyanın ən böyük “The Venetian” şəbəkəsi daxil olmaqla 40-a yaxın kazino fəaliyyət göstərir və onların gəliri muxtar şəhərin büdcə gəlirlərinin 70% hissəsini təşkil edir.

Makaonu Asiyanın Las-Veqası adlandırırlar, ancaq bu bənzətməyə baxmayaraq o gündəlik pul dövriyyəsinə görə ABŞ-lı qardaşını ötüb, keçib. Lakin bir çox digər amillərlə (göydələnlər, məşhur memarlıq abidələrinin surətləri, neon işıqları, musiqili nəhəng fontanlar və hər gecə təşkil olunan şoular) bu iki şəhər bir-birinə oxşayır. Amma Makaonu Las-Veqasdan fərqləndirən əsas amil onun çoxəsirli tarixidir.

Qərbdən – Şərqə doğru

Çinin ərazi vahidi olmamışdan öncə Makou təxminən 450 il Portuqaliyanın müstəmləkəsi və Avropanın Cənub-Şərqi Asiyadakı ən qədim ticarət mərkəzi olub. 1513-cü ildə, Portuqaliyalı səyyahların, Çjutszyan çayının deltasında kəşf etdikləri 3 ada bütün Asiya ilə ticarət aparmaq üçün ideal məntəqəyə çevrildi. 19-cu əsrdə Honq-Konqun daha böyük limana çevrilməsinə qədər Makao özünün qızıl dövrünü yaşayıb. Dövrün inkişafı ilə Portuqaliya artıq ona lazım olmayan Makaonu 1999-cu ildə Çinə geri qaytardı.

İki bir-birinə bənzəməyən mədəniyyətlərin bir araya gəldiyi şəhər möhtəşəm kontrastlarla doludur. Adı portuqal dilində olan şəhər meydanlarında Çin bayraqları dalğalanır. Şəhərdə bir küçədə hər iki ölkənin mətbəxinin yeməklərinin dadmaq mümkündü.

Portuqaliya ləhçəsi

Bu gün Makaoda Avropa təsiri elə də çox hiss olunmur. Hər iki dildə təqdim olunan yol işarələri qanun yox, bir növ ənənədir. Formal olaraq Makaoda dövlət dillərindən biri olan portuqaliya dili yerli əhalinin gündəlik istifadəsindən praktiki olaraq çıxıb. Şəhərin kolonial keçmişini yalnız portuqal arxitekturası xatırladır.

Makao – Kitayın Las -Veqası

Onun da böyük hissəsi Makaonun “Qədim şəhər” adlanan rayonunda cəmlənib. Öz növbəsində bu rayon da YUNESKO-nun mədəni irs siyahısına daxildir. Şəhərətrafı təpələrdə hələ də qarovul çəkən portuqal qalaları şəhərin keçmişinin bariz nümunəsidir. Hal-hazırda ölkəyə gələn turistlər və yerli əhali arasında əsas gəzinti və fotosessiya məkanı Fortaleza-du-Monti qalasıdır. Qalandan qədim Müqəddəs Pablo kilsəsinin divarlarına mənzərə açılır. 38 il ərzində tikilmiş kilsə 200 ildən sonra (1835-ci ildə) yanğın zamanı məhv olub. Qala bir növ Makaonun ürəyidir və buradan şəhərin digər istiqamətlərinə gedən küçələri yerli əhali hələ də “calle” adlandırırlar.

Hər şey bir yerdə

Bütün Makaonu bir neçə saat ərzində gəzmək olar, lakin biz bu işdə sizə tələsməməyi məsləhət görürük, çünki burada hər küçə, hər binanın öz unikal tarixi var. Hətta şəhər senatının indiki binasında həm türmə, daha sonra isə poçt mərkəzi də fəaliyyət göstərib. “Xoşbəxtlik küçəsi” turistlərin şəhərdə ziyarət etdikləri əsas piyada küçəsidir. Alameyda Ribeyro küçəsi şəhərin əsas zərgərlik məmulatları satılan məkandır. Gəzintinin son məntəqəsi kimi möhtəşəm mənzərəli Luiş-de-Kamoensa parkını seçmək olar. Yerli əhali burada tay-çi dərsləri, şahmat turnirləri, müxtəlif musiqi festivalları və kitab günləri keçirirlər.

Makao – tarixi görüntü

Makoya necə səyahət etmək olar?

Birbaşa uçuşlar Çindən həyata keçirilir. Eyni zamanda Honq-Konqdan gedən gəmi ilə də Makaoya çatmaq olar. Gəmi biletinin qiyməti 20 USD təşkil edir. Bundan əlavə Quançjodan Makaoya dəmir yolu xətti mövcuddur. Qatar biletinin qiyməti 10 USD başlayır. Bu yaxınlarda isə hər iki şəhəri birləşdirən körpü də istifadəyə verilib. Viza yerində verilir.

Ən yaxşı səyahət mövsümü

Makaoya ən yaxşı səyahət mövsümü sentyabr – dekabr ayları arasındadır. Bu mövsümdə yağışlar praktiki olmur, lakin nə badə yay aylarında bura gələsiniz. Bu dövr Makaoda tayfun və musson yağışları dövrüdür.

Harada qalmaq

Makaoya səyahət zamanı büdcənizdən asılı olaraq dəbdəli otellər və ya kiçik qonaq evlərində qala bilərsiniz. Ümumilikdə şəhərdə hər turist büdcəsinə uyğun gecələmə yerləri var.

Nəqliyyat:

Şəhər geniş (lakin olduqca yüklənmiş) ictimai nəqliyyat sisteminə malikdir. Nəqliyyat şəhərin bütün əsas məkanlarını və kənar əraziləri əhata edib. Digər tərəfdən bir qayda olaraq otellərin əksəriyyəti hava limanı və dəniz limanına gediş-gəliş istiqamətləri üzrə pulsuz transferlər təşkil edirlər. Eyni zamanda şəhərin əsas görməli abidələri, kazino və ticarət mərkəzləri xidmətə aiddir.