Çinin rəhbəri Si Szinpin zaman qazanma diplomatiyasını uğurla tətbiq edir
Si Szinpin vaxt qazanma sənətində özünü sübut etdi. Buenos-Ayresdəki G20 sammitində Çin lideri Birləşmiş Ştatlarla ticarət müharibəsində atəşkəs təmin etdi.
Si Szinpin
Önümüzdəki həftələrdə, onun təkliflərini bir qədər genişləndirmək imkanı olacaq. Əsas məqsəd Vaşinqtonu razı salmaq üçün minimal tələbi müəyyən etməkdir. Si danışıqlar üçün 90 günlük pəncərəni təmin etdi. Hələki təkliflər geniş deyil, lakin Çin Amerika istehsalı olan malların alışını artıracaq və daha çətin fundamental məsələlər üzrə danışıqlar aparacaq.
Çin prezidenti bu yolda nə qədər uzaq gedəcəyini göstərmək üçün geniş fürsətləri yaranıb. Onun Xalq Respublikasında aparılan islahatların 40 illiyi münasibətilə ayın sonu üçün gözlənilən çıxışı həlledici məqamlardan biridir.
Pekinin oynamaq üçün kartları var. Səlahiyyətlilər xoş məram nümayiş etdirmək üçün maliyyə sahəsində və avtomobil sənayesində daha geniş imkanlar yaratmaq üçün səylərini gücləndirə bilər. Trump Twitter-də bildirib ki, Çin ABŞ-ın avtomobillərinə tarifləri azaltmaq və hətta aradan qaldırmaq barədə razılığa gəlib.
G20 naharının nəticələri barədə şərhlər tərəflər arasında bir qədər fərqli şərh olunur. Çin müəyyən struktur islahatları barədə danışır və Amerika mallarının idxalının artırılması ilə yanaşı ABŞ-ı razı salmaq üçün minimal səylərin həcmini müəyyən etməlidir. Si Szinpin bunun üçün əlavə vaxt təmin edə bildi – indi son razılığa gəlmək üçün müəyyən cəsarətli addımlar atmalı olacaq.
