Dırnaq göbələyinin müalicə üsulları
Dırnaq göbələyi olduqca yayılmış xəstəlikdir. Hər 10 insandan 2-dən 6-a qədərində göbələk var. Göbələyə ən çox ayaq dırnağında rast gəlinir. Bu məqalədə göbələyin müalicə üsullarından danışacağıq.
dırnaq göbələyi- müalicə üsulları
Maraqlıdır ki, statistikaya əsasən, bu xəstəliyə böyük şəhərlərdə yaşayıb sağlam həyat tərzi sürən insanlar tutulur. Belə ki, dırnaq göbələyinə üzgüçülük hovuzları, saunalar, idman zalları və digər ictimai və idman yerlərində tutulmaq mümkündür. Və yalnız bu yerlərdə çox vaxt keçirən insanların yoluxmağı üçün təhlükəlidir.
Aşağıdakı hallarda da yoluxmaq mümkündür:
- Başqasının ayaqqabısını geyinsəniz (məsələn ayaqqabı mağazasında göbələk xəstəliyi olan insandan sonra ayaqqabını geyinsəz)
- Gözəllik salonlarında (alətləri dezinfeksiya etmək üçün yüksək hərarətdə sterilizə edilməlidirlər).
Göbələk xəstəliyinin riskini artırır:
- Ploskostopiya
- Dırnağın uzanması
- Diabet xəstəliyi
- Ayaqların tərləməsi
- Keyfiyyətsiz və narahat ayaqqabı
- Sintetik corablar
- Gigiyena qaydalarına əməl etməmək
Xəstəliyin qarşısını almaq onu müalicə etməkdən asandır. Sadəcə bu risk faktorlarına diqqət yetirmək və onları aradan qaldırmaq lazımdır.
Göbələyin ilk əlamətləri:
Aşağıdakı simptomlar bunu göstərir:
Dırnaq ətrafının iltihabı
Dırnağın rənginin və formasının dəyişməsi
Dırnağın qalınlaşması
Dırnaqda ağımtıl və sarımtıl ləkələrin əmələ gəlməsi
Dırnağın ətdən aralanması
Dünyada dırnaq göbələyinin üç yüz min növü var. Hətta ekspertlər belə çox vaxt vizual müayinə ilə göbələyin varlığını müəyyən edə bilmirlər. Buna görə göbələyin növünü (kif, maya və s.) təyin edən analizlər aparılır. Analizin cavabından sonra diaqnoz qoyulur. Və yalnız diaqnoz qoyulduqdan sonra, həkim fərdi qaydada təsirli müalicəni təyin edə biləcək.
Dırnaq göbələyinin müalicə üsulları:
Göbələk infeksiyasının dərəcəsindən asılı olaraq aşağıdakı müalicələr mümkündür
- Xarici ( dırnaqları yumşaldan mazlar, göbələk əleyhinə laklar). Bu üsullar yalnız xəstəliyin ilk mərhələlərində təsir göstərir.
- Sistemli müalicə (göbələklə mübarizədə qanı lazımlı maddələrlə təmin edən həblərin istifadəsi). Bu müalicə 4 aydan 8 aya kimi davam edir və orqanizmə zərərli təsir edir.
- Dırnaq göbələyinin lazerlə müalicəsi. Lazer şüası dırnağın dərinliyinə daxil olaraq, göbələyin yayılma ocaqlarını məhv edir. Lazer göbələyin yalnız strukturuna təsir edir, dırnaqlara və dırnaq ətrafı dəriyə ziyan vermir. Lazerlə göbələk dırnaq yatağında da məhv edilir. Bu müalicə üsulu ilə dırnağa heç bir ziyan dəymir. Bu metod mazlardan fərqli olaraq, dərin hərəkət edir – şüa dırnağın altındakı göbələyi də məhv edir. Lazerin yalnız göbələk strukturuna təsirindən ötəri bu texnologiya sistemli dərmanlar kimi bədənə heç bir zərərli təsir göstərmir.
