Dubayda Yeni il bayramını necə keçirmək olar

Hədiyyələr üçün

Dekabrda gözlənilən Yeni il yarmarkasında bütün ailə ilə bir neçə əyləncəli saat keçirmək xoşbəxtlikdir. Yerli əhali hər il Almaniyada keçirilən bayram yarmarkasına bənzər Medinat Jumeirah Resort kompleksində keçirilən bayram yarmarkasını xüsusilə sevir.

Medinat Jumeirah Resort kompleksində keçirilən bayram yarmarkası

Orada Santa Clausla birgə qayıqda vaxt keçirirlər və inanılmaz “North Train” uşaqları qarla oynamaq üçün nəhəng  oyun zonasına aparır. Qonaqlar hər gün burada parlaq interaktiv LED işıqlı Şam ağacını və Şaxta Babanı görəcəklər.

İlin atəşfəşanlığı

Dubay ən möhtəşəm atənfəşanlıq ilə yadda qalan ölkədir. Onların ən məhşurlarını harada izləmək mümkündür?

Ən çox gözlənilən fişəng nümayişi Burc Xalifada keçirilir. Bütün dünyanın izləyəcəyi şouda göstərilən fantastik atəşfəşanlıqla yanaşı, yeni il ərəfəsində bir çox yeni elementlər əlavə ediləcək. Dubayın mərkəzində parlaq işıq şousu və rəqs edən fontanlarda musiqili şoudan həzz alacaqsınız. Bu şouları izləmək üçün xüsusi meydançalarla yanaşı, dünyanın bir çox ölkələrində yayımlanan canlı televiziya yayımı veriləcəkdir.

Palma üzərində Promenad

Promenad, Palma adasının yuxarı hissəsində uzunluğu 11 km olan ay formasında, yeni il ərəfəsində Dubayın həm yerli əhalisinin həm də qonaqların olmaq istədiyi yerdir. Burada Rixos otel tərəfdən ən yaxşı görüntü olduğu üçün Atlantis the Palm otelinin atəşfəşanlığına, Burc Xalifa və Burc Al Arab otelinin şousuna baxmaq üçün xüsusi yerlər yaradılıb.

Çimərlikdə üstü açıq hovuzda yeni il

Barasti Beach Dubay

Barasti Beach klubunda günəş şüaları və hit mahnıların sədaları altında 2018-ci ilə əlvida deyin. Dünya şöhrətli çimərlik klubunda Dubay Marina peyzajı fonunda gözəl musiqi, dadlı yeməklər və kreativ kokteyllərdən həzz alın. Bura çimərlikdə Yeni il atəşfəşanlığından zövq almaq üçün gözəl bir yerdir. Şən bayramlara qoşulun, çünki hamı üçün giriş pulsuzdur. Daha sonra, Fatmanscoop və Bassjackers kimi musiqi əfsanələri iştirak edən partilərə gedin.

Opera gecəsi

Yeni il ərəfəsi klassik sənət mərkəzində sizi musiqi və əyləncəli rəqslər ilə sürpriz dolu gecə gözləyir. Buradan siz Burc Xalifanın atəşfəşanlığını və rəqs edən fontanlar şousunu izləyə bilərsiniz. Gecə Chinua Hawk Band qrupunun canlı ifaları ilə başlayacaq. Onlar dünya üzrə ən hit mahnıları ifa edəcəklər – Maykl Ceksondan Ed Şirana kimi. Sonra Orta Şərqin 1 nömrəli DJ-yi olan DJ Said Mrad DJC ilə rəqs meydanını Corc Kluninin toyundakından da çox çoşduracaq. Saat 12-də isə qonaqları lazer şou gözləyir. Möhtəşəm atəşfəşanlığı və rəqs edən fontanların şousunu xüsusi baxış platformasından seyr edə biləcəksiniz.

Dovşanın dalıyca gedin

Palazzo Versace Dubai otelində dovşan çuxuruna düşün və yeni 2019-cu ili “Alice in Wonderland” tematik partidə qarşılayın. Qonaqlar klassik hekayəni xatırlayıb onlar kimi geyinib gecəyə qatıla bilərlər. Daha sonra qonaqlar Giardino restoranında bayram masalarına və ya Vanitas italyan restoranında dördlü yeməyə dəvət olunacaqlar. Enigma gastronomik restoranının aşbazları yeni il menyusu hazırlayacaqlar.

Kruiz gəmisində

Tarixi kruiz gəmisi “The Queen Elizabeth 2” indi Port Rashid limanındadır və üzən bir oteldə qonaqları qəbul edir. Gəmidə Yeni il ərəfəsində unudulmaz tədbirlər gecəsi hazırlanmışdır. Saat 12-də hər bir restorana gələn qonaq Dubayın atəşfəşanlığını çölə çıxıb seyr edə biləcək.

On interaktiv mətbəx

The Westin Dubai Mina Seyahi Beach Resort&Marina oteli Dubayda ən yaxşı brança dəvət etməyə hazırlaşır. Meqapolisin üç ən yaxşı restoranında 10 açıq mətbəx. Bir çox qastronomik mükafat qazanan Bubbalicious restoranında Yeni il gecəsi həm yemək həm də əyləncə baxımından əla olacaq.

Hollywood-un qızıl dövrünün parıltısı

Waldorf Astoria Dubai Palm Jumeirah

Əfsanəvi Waldorf Astoria Dubai Palm Jumeirah otelində “Hollywoodun qızıl erası” adlı tematik qala – nahara hazırlaşırlar. Yeməkdən sonra, əlbəttə ki, xüsusi “Merilin Monro”  çıxışı olacaq və siz yerli DJ-in ifa etdiyi canlı musiqi sədaları altında bütün gecə rəqs edəcəksiniz.

Ağ parti

Rixos Premium JBR otelində Yeni ildə hər yer ağa bürünəcək, çünki burada “Yeni ilin ağ parti”-si keçiriləcək. Modern interyer, Palm İsland və Burc Al Arab yelkənlərinin gözəl görünüşləri, həmçinin Dubayda ən böyük açıq bufet, dəniz məhsulları və Türk mətbəxi sizi gözləyir.

Çimərlikdə Yeni il

Ərəb körfəzinin təmiz suları və Dubayın günəşdə parlayan qumlu çimərlikləri – vəziyyəti dəyişmək və ənənəvi ağ Miladdan uzaqlaşmaq istəyənlər üçün əla seçimdir. Çimərlikdə yerləşən restoran, bar və klublar bayram mövsümü xaosundan uzaqlaşmaq istəyən hər kəsə sığınacaq təklif edir. Seçim sizindir: əgər siz Palm İsland və Dubayın dünyaca məhşur görməli yerlərinə baxaraq nahaq etmək istəyirsinizsə, onda sizi peru, italyan, ərəb, hətta efiopiya mətbəxi olan dənizkənarı restoran Club Vista Mare klubunda gözləyirlər; əgər siz gününüzü günəş şüaları altında, yaxınlıqda təbii şirələr olan barlar, dadlı burgerlər satılan kafelər, dəbli butiklər və su əyləncələri olan parkda ailənizlə keçirmək istəyirsinizsə, onda The Beach by JBR-ə gedin. Burada Bayram paradı keçiriləcək, siz dostlarınızla çimərlikdə voleybol oynaya bilərsiniz. Əgər siz toxunulmamış sahil boyu gəzib Palm Jumeirah adasına və məhşur Burc Al Arab yelkəninə baxmaq istəyirsinizsə, Black Palace Beach-i ziyarət edin.