Dünyanın ən gözəl sarayları
Kral ailələrinin yaşadığı və bir çoxunun bu gün turistlər tərəfindən ziyarət etdiyi saraylar, keçmişdə bu ailələrin, indi isə ölkələrin vacib simbollarından biridir. Bəziləri turistlər üçün tamamilə açıqdır, digərlərində isə turistlər məhdud sayıda qəbul olunur. Tarixin gedişatını dəyişdirən dünyanın ən diqqətəlayiq kral sarayları haqqında bilmədiklərimiz.
Versal sarayı, Paris
Parisin cənub-qərbində yerləşən Versal Sarayı, 14-cü Louis dövründə bu günki halına çevrildi. Parisdən 20 kilometr məsafədəki Versal, Sevgi Sarayı olaraq da bilinir. Bura bir çox qalmaqalların yaşandığı yer olaraq da bilinirdi.
Sarayın nəhəng bağındakı Grand Trianon və Petit Trianon sarayları Kral və Kraliçanın gizli sevgiləriylə də sarsılırdı. Kraliça Mari Antoinette, gənc İsveç sevgilisi ilə bu sarayda gizli eşq macerası yaşamışdır.
Versal sarayı-Paris
Pena Sarayı, Sintra
Kral Ferdinand tərəfindən 1842-ci ildə inşa edilən Pena Sarayı Portuqaliya Kral ailəsinin iqamətgahı idi.
Saray Lissabonda zəlzələlər nəticəsində dağıdılmış bir monastır üzərində inşa edilmişdir. Buranın bu gün gizli görüşlər üçün istifadə edildiyi də iddia edilir.
Mysore Sarayı, Mysore
Hindistanın cənubundakı Mysore şəhərində inşa edilən saray Amba Villas kimi də tanınır.
Saraylar şəhəri olan Mysore şəhərində yerləşən bu bina Tac Mahaldan sonra Hindistanın ən çox ziyarət edilən tarixi yerlərindən biridir. Sarayın inşası 1897-ci ildə başlamış və 1912-ci ildə istifadəyə verilmişdir. Vadiyar sülaləsinin yaşadığı Mysore Sarayı Hindistan memarlığının ən gözəl nümunələrindən biri hesab olunur.
Schönbrunn Sarayı , Vyana
Vyanadakı Schönbrunn Sarayı, Habsburg sülaləsinin evi idi. 1441 otaqdan ibarət Schönbrunn Sarayı 1696 ilə 1712 arasında inşa edilmişdir.
İmperator I Leopold dövründə tikilən saray, eyni zamanda dünyanın ən qədim zooparkına sahibdir. Schönbrunn-un qarşısında isə , altmış metr yüksəklikdəki təpədəki Gloriette bağ evi yerləşir.
Bukingem sarayı, London
Britaniya Kral ailəsinin evi olan Bukingem Sarayı Londonun mərkəzindədir. 1703-cü ildə açılan sarayın ölçüsü 77 min kvadrat metrdir.
775 otağı olan Bukingem sarayı, avqust və sentyabr aylarında olduğu kimi xüsusi günlərdə ziyarətçilər üçün açıqdır. Ancaq hazırda kral ailəsinin yaşadığı Bukingem Sarayı ziyarətçilər üçün tam açıq deyil.
Chateau de Chambord, Loire
Loir-et-Cher bölgəsindəki Chambord qalası Fransa İntibahının ən vacib memarlıq əlamətlərindən biridir. Fransızların ən əhəmiyyətli krallarından biri olan Fransua dövründə tikilən qala 2016-cı ildə sel daşqını nəticəsində zərər gördü. Chambord indi milyonlarla turistin ziyarətinə açıqdır.
Alhambra sarayı, Qranada
Tarixin ən möhtəşəm saraylarından biri olan Alhambra sarayı, İspaniyanın cənubundakı Qranadada yerləşir. Əsrlər boyu Əməvilərin paytaxtı olmuş Qranada, UNESCO-nun Dünya İrsi siyahısındadır.
İlk olaraq 9-cu əsrdə bir Roma imperiyasından qalan bir qalanın qalığları üzərinə balaca bir bina kimi tikilməyə başlamışdır. Saray, bu gün Qranadadakı ən populyar turistik məkandır.
Ermitaj saray, Petersburg
Rus çarizminin izzətini əks etdirən bu qış sarayı uzun illər dünya siyasətində çox mühüm rol oynadı. İnqilabların şahidi olan saray, ölçüsü ilə diqqəti cəlb edir. Bu gün bir muzey olaraq istifadə edilən Ermitajda bir çox sənətkarın, xüsusən də Monet və Van Qoqun əsərləri yer alır.
