Ən varlı qadın olmağın etibarlı resepti
Amazonun başçısı Jef Bezosla ayrıldıqdan sora Makkenzi Bezos dünyanın ən varlı xanımı ola bilər. Dəqiq şərtlər məlum olmasa da, Bloomberg onun sərvətinin 69 milyard dollar ola biləcəyini qeyd edib.
Mackenzie Bezos – Cef Bezosun həyat yoldaşi
Bloomberg agentliyinin verdiyi məlumata görə, cütlüyün Amazonda 16% payları da daxil olmaqla müştərək sərvəti necə böləcəkləri bilinmir. Hüquqşunasların bildirdiyinə görə, hər-hansı bir razılaşma olmasa aktivlər yarıbayarı bölüşdürüləcək.
2019-cu ilin əvvəli üçün Bloomberq Bezosun sərvətini 137 milyard dollar həcmində qiymətləndirib. Forbes gətirdiyi rəqəmlər də buna yaxındır. Bununla belə, ən yaxşı vaxtlarda, milyarderin aktivləri 150 milyard dollar rəqəminə də çatmışdı.
Qeyd edək ki, Bloomberg reytinqində yer almış 66 milyarder qadının əksəriyyəti həyat yoldaşlarının vəfatı və ya ayrılma nəticəsində sərvətlərini əldə ediblər. Bunların yalnız 6-sı öz zəhmətləri nəticəsində milyarder olublar.
Hazırda ən varlı qadın L’Oreal şirkətinin yaradıcısının nəvəsi Fransuaza Bettenkur Mayersdir: onun aktivlərinin ümumi qiyməti 45.6 milyard dollardır.
Jef və Makkenzi Bezos ayrılıacaqları barədə 9 yanvar 2019-cu il tarixində bəyan ediblər.
