Gözləri ovuşdurmaq nə qədər zərərlidir?
Gözlərinizi daim ovuşdurursunuz? Gözün şəffaf qatını genişləndirən və müalicə edilmədiyi təqdirdə qalıcı görmə itkisinə gedə bilən ‘keratoconus’ xəstəliyinə öz əllərinizlə səbəb ola bilərsiz
Gözləri ovuşdurmaq-keratokonus
Son aylarda eynək nömrəniz sürətlə artır? Əsas problem əsasən hər iki gözü təsir edən keratokonus xəstəliyi ola bilər.
Keratokonus, gözün xarici kənarındakı şəffaf təbəqənin incəlməsi, distrofiya olması ilə müəyyən edilir. Ümumiyyətlə ərgənlik dövründə başladığı düşünülən Keratokonus, 20 ilə 40 yaş arasında inkişaf edir və əksər xəstələrdə bu proses sürətlidir. Bunun baş verməsinin səbəbləri bilinməsə də, şiddətli alerji şikayətləri olan gənclərdə göz ovuşdurmağın bu xəstəliyin inkişafına səbəb olduğu düşünülür. Bundan əlavə, xüsusilə də kompüterin uzun müddətli istifadəsi quru göz sindromunda çox rast gəlinirsə, gözləri həddən artıq ovuşdurma riski artır. Adətən gec diaqnoz qoyulan keratokonus inkişafı dayandırılmazsa , eynək nömrəsində ciddi artış yaranır.
Astiqmatizmi 2 dərəcədən yüksək olan və problemi eynəklə tamamilə düzəldilə bilməyən xəstələrdə erkən diaqnoz üçün hər il görmə qabiliyyəti müayinələrindən keçmək lazımdır.
Bu simptomları əsla görməməzlikdən gəlməyin
Xəstənin gündəlik işini edə bilməməsinə gətirib çıxardan keratokonusun ən tipik əlaməti ortalama 8 ayda bir artan eynək nömrəsidir. Eynək nömrəsinə görə müayinə edildikdə, kornea qalınlığına mütləq baxdırın.
Xəstəliyin digər simptomları
- Görünüşdə az bulanıqlıq
- İşıq və parıltıya həssaslıq
- Düz xətlər əyilmiş və ya dalğalı görünür
- Gözlərin qızartı və şişməsi
- Xəstəlik irəlilədikdə yüksək astiqmatizm səbəbiylə şiddətli görmə itkisi, yaxın məsafədə maşın sürmək və kitab oxumaqda çətinlik
Müalicə xəstəliyin mərhələsinə görə təyin olunur
Keratokonusun xəstəliyinin müalicəsi mərhələyə uyğun olaraq planlaşdırılır. Erkən mərhələlərdə sərt kontakt linzalar istifadə olunur. İləriləyən mərhələlərdə kornea nəqli yeganə müalicə həllidir
