Halsızlıq, diqqət əksikliyi, saç tökülməsi nəyin göstəricisidir?
Halsızlıq, yorğunluq, diqqətin olmaması, yuxuya meyl, ürəkdəki döyüntülər və saç tökülməsi kimi göstəricilərlə ortaya çıxır. Əsasən qadınlarda görülən və müalicə edilmədiyi təqdirdə həyat keyfiyyətini əhəmiyyətli dərəcədə azaldan bu sağlamlıq probleminin adı- Dəmir çatışmazlığıdır!
dəmir əksikliyi-halsızlıq
Dəmir çatışmazlığı hazırda Ümumdünya Səhiyyə Təşkilatının prioritetli sağlamlıq problemlərinin başında durur. Dünyadakı 2 milyarddan çox insan və ya dünya əhalisinin 30 faizindən çoxu dəmir çatışmazlığı anemiyasından əziyyət çəkir. Əsasən qadınlar dəmir çatışmazlığı problemi ilə üzləşirlər.
Çatışmamazlığı xəstəlik deyil, əlamətdir!
Cəmiyyətdəki populyar inancın əksinə olaraq, dəmir çatışmazlığı xəstəlik deyildir. Xüsusilə kişilərdə və menopoz dövrü qadınlarında dəmir çatışmazlığının ciddi şəkildə nəzərə alınmalıdır. Çünki bu iki qrupdakı əsas amil mədə və bağırsaq traktında qanaxmadır. Buna görə başda mədə və bağırsaq xərçəngi və ginekoloji xərçənglər olmaq üzrə bir çox mühim xəstəliklərin əlaməti, hətta ilk xəbərdarlıq siqnalı kimi qarşımıza çıxa bilər.
Bu şikayətləriniz varsa, diqqət edin!
Dəmir əskikliyi əlamətlərində vaxt itirmədən həkimə müraciət etmək çox vacibdir. Bunun səbəbi, dəmir çatışmazlığının sağlamlığa təsir etməsiylə yanaşı bir çox xəstəliklərin də xəbərçisidir.
Solğun dəri
Halsızlıq, tez yorulma
Döyüntü
Saç tökülməsi
Dırnaqların zəifləməsi
İstəksizlik
Qıcıqlanma
Yuxuya meylin artması
Müalicəni kəsməyin
Müalicədə, əskik olan dəmir ağızdan dərmanlarla, bəzi hallarda isə venadaxili yükləmə ilə tamamlanır. Dəmir çatışmazlığı bir çox səbəbə görə inkişaf edə biləcəyi üçün, eyni vaxtda buna təsir edən səbəbi də müəyyənləşdirmək və müalicəyə başlamaq çox vacibdir. Dəmir çatışmazlığı müalicəsi orta hesabla 3-6 ay davam edir. Sümük iliyi, çatışmayan miqdarda qan əvəz etmək üçün əvvəlcə verilən bütün dəmirlərdən istifadə edir, hemoqlobin səviyyəsi normala çatdıqdan sonra istifadə eləmədiyi dəmiri depolamağa başlayır. Uğurlu nəticələr əldə etmək üçün dəmir müalicəsinin yarıda kəsilməməsi əsas rol oynayır.
Dəmir əksikliyi olanlar üçün qızıl kimi tövsiyyələr
Ən zəngin dəmir mənbəyi olan qırmızı ət həftədə ən azı iki dəfə istehlak edilməlidir. Yaşıl yarpaqlı tərəvəzlər, məsələn, ispanaq, qırmızı mərcimək, quru lobya və noxud kimi paxlagilləri tez-tez yeyin.
Qoz, fındıq ilə fıstıq kimi quruyemişlər, balıq və yumurta sarısı da dəmirdən zəngin olan qidalar arasındadır. Bu qidalar süfrənizdə mütəmadi olaraq yer almalıdır.
Azərbaycanda dəmir əskikliyinin ən əhəmiyyətli səbəblərindən biri, həddindən artıq çay içilməsidir. Çayın tərkibindəki fitat səbəbindən dəmiri bağlayaraq dəmirin mədə-bağırsaq traktından keçməsinin qarşısını alır. Dəmir əksikliyinə qarşı çayı gündə 2-3 stəkanla məhdudlaşdırmaq və yeməkdən 1 – 1,5 saat sonra içmək məsləhətdir
çay -dəmir əksikliyi
