Huawei ilin ilk yarısında gəlirini 23 faiz artırdı
Çinin telekommunikasiya nəhəngi Huawei, ABŞ-ın ticari qara siyahısında yer almasına baxmayaraq ilin birinci yarısında gəlirini keçən ilin eyni dövrü ilə müqayisədə 23 faiz artırdı.
Huawei şirkətinin məlumatına görə, 2019-cu ilin ilk yarısında şirkətin gəliri təxminən 58 milyard 300 milyon dollar oldu.
Şirkətin eyni dövrdəki artışı isə 8,7 % olub. Çin hazırda dünyanın ən böyük smartfon bazarıdır. Huawai-nin bu bazardakı payı 38 faizdir.
Keçən il Huawei, Apple-i geridə qoyaraq, Samsungdan sonra dünyanın ən böyük ikinci smartfon istehsalçısı oldu.
ABŞ müttəfiqlərinə xəbərdarlıq etmişdi
Vaşinqton daha əvvəl Huawei-nin mobil İnternetdə 5G şəbəkəsinə daxil olmasına imkan verən bütün müttəfiqləri ilə kəşfiyyatın paylaşımını nəzərdən keçirəcəyini açıqlamışdı.
ABŞ məhdud dərəcədə olsa da, Huawei kimi etibarsız firmaların 5G texnologiyasına keçidini qəbul etməyəcəyini açıqlamışdı.
Amerikalılar iddia edirlər ki, Çin bir Çin texnologiya şirkətindən digər ölkələrdə əldə etdiyi məlumatları verməsini istədiyi halda şirkət də bu məlumatları verəcək.
Şirkətin təsisçisi Ren Zhengfei həm Çin Kommunist Partiyasının üzvü, həm də Çin ordusunda mühəndisdir.
Zhengfei deyir ki, Huawei özəl şirkətdir və Çin hökuməti ilə yeganə əlaqəsi vergi ödəməkdir.
