Instagram 13 yaşdan kiçiklərə qadağa qoydu
Dünyanın ən populyar sosial media platformalarından biri olan Instagram, 13 yaşına çatmayan istifadəçilərin tətbiqdən istifadəsini rəsmi olaraq qadağan etdi. Facebook-un başçılığı altında fəaliyyət göstərən şirkət bugündən etibarən yeni istifadəçilərin doğum tarixlərini qeyd etmələrini istəyəcək.
2012-ci ildə ABŞ-ın sosial media nəhəngi Facebook tərəfindən satın alınmadan əvvəl məhdud istifadəçi bazasına malik olan İnstagram, son 7 ildə dünyanın ən çox seçilən sosial media tətbiqlərindən birinə çevrildi.
Bu gün 1 milyarddan çox istifadəçiyə malik olan Instaqram uşaqları sosial medianın mənfi tərəflərindən qorumaq üçün çox vacib bir addım atdı. Bu gündən etibarən şirkət platformada qeydiyyatdan keçmək istəyən istifadəçilərdən doğum tarixlərini daxil etmələrini istəyəcək. 13 yaşdan kiçik istifadəçilərin İnstaqram hesabı açmasının qarşısını alacaq. Lakin mövcud istifadəçilərdən yaşları barədə soruşulmayacaqdır.
Instagrama qoşulmaq istəyən istifadəçilər artıq doğum tarixlərini daxil etməlidirlər
İstifadəçilər üçün məxfilik nəzarətini artıran Instagram, yalnız izlədiyiniz insanların sizə mesaj göndərməsinə, bir qrupa əlavə etməsinə və ya Hekayənizi cavablandırmasına imkan verən yeni bir məxfilik seçimini də təqdim etdi.
Uşaqların Onlayn Məxfilik Qoruması Qanunu (COPPA) 13 yaşdan kiçik uşaqlardan fərdi məlumatların toplanmasını qadağan edir. Bununla belə Instaqram bu addımı indi atır. Facebook, Snapchat və TikTok istifadəçilərdən qeyd prosesinə başlayan kimi doğum tarixlərini daxil etmələrini xahiş edir.
TikTok COPPA-nı pozduğuna görə 5.7 milyon dollar cərimə edildi. Çin mərkəzli tətbiq, cəzadan sonra uşaqların video seyr edə biləcəyi, lakin paylaşa və şərh verə bilmədiyi ayrı bir bölmə yaratmışdı.
Yaş nəzarətinin platformaya niyə bu qədər gec gədiyini soruşduqda isə Instagram belə cavablamışdır
İnsanların bizə yaşlarını söyləmələrini istəmədik. Çünki Instagramın kimliyindən asılı olmayaraq hər kəsin özünü tam olaraq ifadə də biləcəyi yer olmasını istədik. Əlbəttə ki, bu, İnstaqramın uşaq təhlükəsizliyi qanunlarını pozduğunu dəyişdirmir.
