İŞİD bəlasının yeni ünvanı – Nigeriya
Yaxın Şərqdəki ərazi itkisinə baxmayaraq, İŞİD Qərbi Afrikada möhkəmlənməyi bacarır. Terror təşkilatının bölmələri hərbiçiləri sıxıb çıxararaq Nigeriyada Rann şəhərini ələ keçirdi.
İŞİD – Nigeriya
Yaxın Şərqdəki ərazi itkisinə baxmayaraq, İŞİD Qərbi Afrikada möhkəmlənməyi bacarır. Terror təşkilatının bölmələri hərbiçiləri sıxıb çıxararaq Nigariyada Rann şəhərini ələ keçirdi.
İŞİD terror təşkilatı ilə əlaqəli olan yaraqlılar Nigeriyanın şimal-şərqində yerləşən Rann şəhərini ələ keçiriblər. Bu haqqda Reuters agentliyi təhlükəsizlik xidmətlərinin mənbələrinə istinad edərək məlumat verib
Bu məlumatı The Daily Post-un yerli bölməsi də təsdiqləyir. Onun verdiyi məlumata əsasən, şəhərdə hərbçilərlə yaraqlılar arasında qızğın döyüşlər gedir, tikililərin bir hissəsi məhv edilib. Yerli əhali evlərini tərk edir.
Reuters mənbələri iddia edirlər ki, şəhər bütünlüklə yaraqlılar tərəfindən işğal edilib, hökumət qüvvələri isə yaşayış məntəqəsini tərk edib.
Terrorçular Rann şəhərini işğal etdilər, hakimiyyəti ələ keçirdilər, uşaqlarımız geri çəkildi
deyərək hərbçilərdən biri agentliyinə anonimlik şərti ilə məlumat vermişdir.
Şəhərin ələ keçirilməsi Boko Haramdan ayrılan və həmçinin İŞİD rəhbərliyinə beyət edən “Qərbi Afrikanın İslam Dövləti” (ISWA) terror təşkilatı qüvvələri tərəfindən həyata keçirilib. Qərbi Afrikanın İslam Dövləti ilə mübarizə 2015-ci ildə hakimiyyətə gələn Nigeriya prezidenti Məhəmməd Buxarinin seçki kampaniyasının şüarlarından biridir. Reuters qeyd edir ki, bütün şəhər üzərində nəzarətin itirilməsi Buxarinin fevral ayına planlaşdırılan seçkilərdə yenidən seçilməsinə dair planlarına zərbə vurur.
Bu QAİD (Qərbi Afrika İslam Dövləti)-in son aylar üzrə ilk qələbəsi deyildir. Sentyabr ayının əvvəlində yaraqlılar tərəfindən Nigeriyada hərbi bazaya həyata keçirilmiş hücumda 30 nəfər hərbi qulluqçu öldürüldü. Terrorçular isə hərbçilərə dəstək gəlməzdən əvvəl bazanı ələ keçirməyə müvəffəq oldular. QAİD yaraqlılarını yalnız hava qüvvələrinin zərbələrindən sonra hərbi bazadan çıxarmaq mümkün olmuşdur.
