Neft Fondu qızıla üstünlük verdi
Azərbaycan Dövlət Neft Fondu (ARDNF) 2019-cu ildə qızıl ehtiyatını 100 tona çatdırmağı planlaşdırır. Bu barədə ARDNF-nin icraçı direktoru Şahmar Mövsümov Bloomberg agentliyinə müsahibəsində deyib.
ARDNF-qızıl ehtiyatı
Məlumat verildiyi kimi 2018-ci ilin sonunda Dövlət Neft Fondunun investisiya portfelinin strukturundakı qızılın payı 1 milyon 638 min 186,3 troy unsiya səviyyəsində olmuşdur.
“ARDNF 2019-cu ildə qızıl ehtiyatını ikiqat artıraraq, qiymətli metalların həcmini 100 tona çatdırmaq istəyir. FED faiz dərəcələrinin artmasının hələ müzakirə olunmayacağını açıqladıqdan sonra qızıl bazarında tələbatının artması müşahidə olundu”-deyərək Şahmar Mövsümov cavab verib.
Onun sözlərinə görə qlobal iqtisadiyyatda yavaşlama riski və ABŞ-Çin arasındakı ticarət əlaqələrində qeyri-müəyyən münasibətlər qiymətli metallara marağı artırdı. 2018-ci lin sonunda birjadakı dirçəlişlə yanaşı, ABŞ Federal Hökümətin 35 günlük dayandırılması da qızıla olan tələbatı artırdı.
Ş.Mövsümov hesab edir ki, 2019-cu ildə Fondun aktivləri 2,3 milyard dollardan – 40 milyard dollara qədər artacaq.
Şahmar Mövsümov dedi ki,
ARDNF-nin aktivlərinin həcmi Azərbaycanın ÜDM-nin 80% -dən çoxuna bərabərdir. Fondun aktivləri 2019-cu ildə 2,3 milyard dollardan artacaq və 40 milyard dollar rekord həddə çatacaq. Biz indi səhmlərə investisiya etmək vaxtı olmadığına qərar verdik və bu qərarda haqlı idik. Təcrübə də göstərir ki, keçən il bu aktivlər üçün çox pis il idi.
Onun sözlərinə görə 2018-ci ildə fond səhmlərin idarə olunmasından əhəmiyyətsiz gəlir əldə etmişdir. Lakin səhmlərdəki payını artırmamaq strateji qərarı ilə dəqiq itkilərin qarşısını ala bilmişdir.
Fondun rəhbəri qeyd edib ki, London, Paris, Milan, Moskva, Seul və Tokioda kommersiya daşınmaz əmlakın alınması Dövlət Neft Fonduna daimi gəlir gətirdi.
