Ofisdəki gigiyena: Mikrobların ofisdə ən sevdiyi yerlər haradır?

Ofislər nə qədər təmiz görünsələr də, çox adam birliydə işlədiyi üçün gigiyena baxımından nəzərə alınacaq yerlər arasındadır. Aparılan araşdırmalarda ofislərdə stol, klaviatura, maus, soyuducu, qızdırıcı kimi əşyalar gigiyena baxımından olduqca problemlidir. Təmiz hesab etdiyimiz bir çox yer hətta tualetdən çirkli ola bilər.

Masalar

ABŞ-da aparılan bir araşdırmaya görə, ofislər ən çox mikroorqanizmlərin tapıldığı yerlərdir. Məsələn, şəhər telefonunda 25 mindən çox növ bakteriya və göbələk var. Masa səthləri normal olaraq çirkli hesab etdiyiniz tualetlərdən 7 qat daha çirklidir. Qələmlər, zımbalar və buna bənzər ofis ləvazimatları  çirkli əşyalarımızdan da daha çox mikrobludur. Masanızı ofisdəki digər işçilərlə bölüşsəniz, çirklənmə artır. Digər bir araşdırmaya görə, klaviatura və mausların hər kvadrat santimetrində 1500-3000 mikroorqanizm var. Klaviatura yalnız sizə aiddirsə, bu problem deyil.

Ehtiyat tədbirləri görmək üçün səhər masanızı və telefonunuzu, klaviatura, digər ofis əşyalarını antibakterial salfetlə silmək əhəmiyyətli dərəcədə fərq yaradır. Yeməklərinizi iş masasında yeməməyə çalışın. Yemək yeyirsinizsə, masanı qəşəng silin. Qida qalıqları mikroorqanizmlərin böyüməsini sürətləndirir.

Soyuducular

Tədqiqatlara görə, demək olar ki, bütün ofislərdə ümumi soyuducular sözün həqiqi mənasında bakteriya yuvasıdır. Qapıları daim açılıb, bağlanan soyuducularda içəridəki hava yeməklərin xarab olmadan qala bilmələri üçün kiyafət etmir. Çox yaxşı təmizlənmirlər,  tərkibində çox qida qalığı var. Bu ofis soyuducularını bir gigiyena cəhətdən çirkə çevirir. Soyuducuda uzun müddətli qalan qidaları yeməyin.

Fincan və stəkanlar

Ofisdəki ən çirkli əşyaları arasında fincanlar yer alır. Şəxsi fincanızı istifadə etsəniz də, gün ərzində orda qalan mayelər bakteriya yarada bilər. Buna görə hər istifadədən əvvəl stəkanlar düzgün təmizlənməlidir. Daha təhlükəli isə ümumi fincanlardır. Bunlarda olan bakteriyalar bir insandan digərinə daha asan ötürülə bilər. Yaxşı olar ki, birdəfəlik stəkanlardan və ya öz yaxşı təmizlənmiş stəkanlardan istifadə edin.

Qapı tutacaqları

Hər kəsin toxunması lazım olan qapı tutacaqları mikrobların ən sıx məskunlaşdığı yerlərdəndir. Qrip və bir çox digər xəstəliklərin qapı tutacaqlarından keçə biləcəyi elmi olaraq sübut edilmişdir. Tədqiqatlar göstərir ki, xeyli sayda insanın əl yuma vərdişi yoxdur və onların demək olar ki, yarısı tualetdən sonra da əllərini yuymur. Bunu nəzərə alaraq, hər şey daha dəhşətli olur.

Qapı tutacaqlarındakı mikroblardan qorunmağın ən yaxşı yolu ümumiyyətlə onlarla təmas etməməkdir. Əlbəttə ki, bu bir az çətindir. Bu səbəblə gün ərzində əllərinizi tez-tez yumağa, antibakterial gel və ya əl dəsmalları ilə təmizləməyə çalışın.