Psixoloji komplekslər və onları məğlub etməyin yolları
Psixoloji komplekslərin əksəriyyəti uşaqlıq vaxtında yaranır, beləki uşaq gördüyü və eşitdiyi məlumatları beynindən silə bilmədiyi üçün onunla bağlı bütün mənfi fikirlər şüurunda qalır. Həyat boyu əldə edilən komplekslər də var və bu insanın başqasının fikrinə qarşı reaksiyasından asılıdır. İnsanlarda müxtəlif sahələrlə əlaqəli komplekslər yarana bilir və onlar özlərinə, hərəkətlərində özgüvəni itirirlər. Komplekslərin təzahürü müxtəlif yollarla baş verir, onlar görünməz ola bilər, amma böyüdükcə sinir böhranına, depressiyaya, aqressiyaya çevrilə bilər.
Psixoloji- kompleks
Psixoloji komplekslərin növləri
Psixoloqların fikrincə, onların mənşəyinin təbiəti ilə əlaqədar iki növ kompleks mövcuddur:
- Fiziki komplekslər – bir insanın fiziki məlumatlarına, görünüşünə, bədən xüsusiyyətlərinə istinad edir. Burun, qulaq, bədən quruluşu, boy, çəki xüsusiyyətləri kimi.
- Ruhsal komplekslər – zehni və hissi sahəyə aiddir. Məsələn, özünə güvənsizlik, günahkar kompleksi, zərər çəkmişlər və s.
Zəiflik kompleksi
İnsanın başqalarını özündən gözəl, ağıllı, güclü olduğuna inandırıb özünü dəyərsiz hiss etməsidir. Bu kompleks uşaqlıq dövründə mənfi təcrübədən yaranmış və şüuraltı həyata daxil olmuşdur. Belə kompleksi olan insanlar başqalarının təzyiqinə, manipulyasiyasına məruz qalırlar. Onlar əhatəsindəki insanların yanında özlərini inamsız hiss edir, danlağları gözləyərək yaşayır və hər səbəbə narahat olurlar.
Üstünlük kompleksi
İnsanın hamıdan daha üstün olduğuna inanmasıdır. Bu insanların özləri haqqında şişirdilmiş və qeyri-real fikirləri olur. Belə insanlar başqaları ilə söhbət edərkən danışıq manerası ilə fərqlənir, onlara üstün baxırlar. Onlar xarici görünüşcə yaxşı görünürlər, lakin hər hansı bir fürsətdə başqalarının onun səviyyəsinə çatmadığını bildirirlər. Əslində, bu davranış bütövsüzlük hissinə qarşı müdafiədir.
Komplekslərdən necə azad olmaq olar?
Yuxarıda göstərilən məlumatları öyrənərək, aşağıdakı nəticələrə gələ bilərsiniz. İnsanda komplekslərin olması problemlərin, özünə inamın azalması gətirib çıxaran mənfi təsirlərin mövcudluğudur. Çox sayda insan cəmiyyət tərəfindən anlaşılmadığı və rədd edildiyi üçün özləri haqqında yalnış bir fikirlə yaşayırlar. Komplekslərin səbəbi insanın bildiyi ilə cəmiyyətin onu yeritmək istədiyi arasındakı ziddiyyətdir.
Ən təhlükəli kompleks insanın özü izah edə bilməyəcəyi şeylərdir. Onlardan qurtulmaq üçün ilk növbədə xəstəlik vəziyyətinin kök səbəblərini müəyyənləşdirməlisiniz. Bunun üçün problemi deməlisiniz. İnsan vəziyyətini başa düşməli, özü və problemi üzərində işləməli, özünə güvənini artırmalı, cəmiyyətdə öz baxışını və münasibətini yenidən nəzərdən keçirməlidir.
Hər bir insanın fərdi, gözəl olduğunu xatırlamalıyıq və hər hansı bir səbəbdən narahat olub özündə müxtəlif komplekslər yaratmamalıyıq.
