Qətər OPEC təşkilatını tərk etmək niyyətindədir
Qətər yanvarın 1-dən Neft İxrac edən Ölkələr Təşkilatından çıxacaq. Bunu Dohada Enerji məsələləri üzrə nazir Saad Şerida Əl-Kaabi bildirib.
Saad Şerida Əl-Kaabi
Verilmiş qərarı şərh edərkən, Dohada təşkil etdiyi mətbuat konfransında Əl-Kaabi Qətərin çıxma qərarıın “texniki” olduğunu qeyd edib. Ölkə təşkilatı tərk etdikdən sonra OPEC razlaşmaları ilə məhdud olmayacaq və diqqəti təbii qazın istehsalına yönəldəcək.
Qərar bu həftə keçirilcək OPEC görüşü ərəfəsində Səudiyyə Ərəbistanı və Rusiya rəhbərlərinin neft bazarını tənzimləmək məqsədilə birgə səylərini davam etdirəcəklərini bəyan etməsi fonunda qəbul edilib.
OPEC-in istehsal həcmlərinə nəzarətindən çıxdıqdan sonra Qətərin istehsalı artıracağı ehtimalı təşkilatın qiymət nəzarəti çabalarını çətinləşdirəcək.
Oktyabr göstəricilərinə görə günlük 610 000 barel neft çıxaran Qətər neft istehsalına görə OPEC ölkələri arasında 11-ci yerdə qərarlaşıb. Bu rəqəm qrupun ümumilikdə 33.3 milyon barel istehsalının 2 faizindən azdır. Digər tərəfdən, təbii qaz ixracı üzrə ölkə Dünya üzrə birinci yerdədir.
Bu qərar neft qiymətlərinə ciddi təsir etmədi. Əl-Kaabinin sözlərinə görə:
Qətərin təşkilatdan çıxması OPEC-ə təsir etməyəcək… Neftin qiymətini hər barel üçün 70 – 80 ABŞ dolları arasında görürük.
