Samsung şirkətinin gəliri kəskin azalıb
Samsung şirkətinin gəliri 28,7% azalmışdır. Belə ki, ötən ilin dördüncü rübündə şirkətin gəlirləri 2017-ci ilin eyni dövrü ilə müqayisədə üç dəfə azdır.
Samsung şirkətinin logotipi
Şirkətin rüblük əməliyyat mənfətinin aşağı düşməsi son iki il ərzində ilk dəfə baş vermişdir. Bu haqda Samsung şirkəti öz rüblük hesabatında xəbər vermişdir.
2018-ci ilin IV rübü ərzində şirkət 9,6 milyard dollar qazanmışdır ki, bu da 2017-ci ilin analoji dövründə əldə edilən qazancdan 28,7% azdır. Samsung şirkətinin gəlirinin aşağı düşməsinin səbəbləri Samsung mikrosxemlərinə olan tələbatın azalması və smartfon bazarında rəqabətin kəskinləşməsi idi. Şirkətin mikrosxemlərinin əsas alıcısı çin şirkətləri olduğundan, Çin iqtisadiyyatında nisbi durğunluq vəziyyəti bir az da kəskinləşdirib. Mövcud vəziyyəti nəzərə alaraq, Samsung şikəri 2019-cu ilin I-ci rübündə də gəlirlərinin aşağı düşməsini ehtimal edir.
Apple şirkətində də oxşar vəziyyət müşahidə olunur. Tim Kuk (Tim Cook) 2019-cu ilin ilk rübü üçün gözlənilən mənfəəti azaldıb. Buna səbəb kimi o, iPhone smartfonlarının satışı üzrə nəticələrin qənaətbəxş olmadığını göstərmişdir. Ekspertlər belə vəziyyətin yaranmasında ABŞ və Çin arasında ticarət müharibəsini səbəb gətirir, həmçinin digər səbəb kimi istehlakçıların köhnə modellərdən yenilərinə keçmək istəmədiyini qeyd edir.
