Teslanın səhmləri 13 % ucuzlaşdı
İlon Mask şirkətdəki ixtisarın işçi heyətinin çoxluğu və Tesla Model 3 istehsalının artırılma ehtiyacı ilə izah elədi. Bazar qiymətli kağızların satışına cavab verdi.
Elon Mask – Teslanın rəhbəri
Elektromobil istehsalçısı Teslanın qiymətli kağızları Nasdaq fond birjasında tender açılışından sonra düşdü. Hərrac məlumatlarına görə Moskva saatı ilə 22:20-də qiymətli kağızlar 300 dollardan satılıb. Saat 23:00-da sonra isə qismən yüksələrək 304,84 dollar olub.
Cümə axşamı günü isə tenderin qiyməti 347, 31 dollar olub.
Şirkət böyük miqyaslı ixtisarlar etdikdən sonra qiymətlər bazarda düşməyə başladı. Şirkətin qurucusu İlon Mask işçi heyətinə məktub göndərdi (rəsmi internet saytında da yerləşdirildi) .
Təəssüf ki, daimi işçilərin sayını təxminən 7% azaltmaqdan başqa bir seçimimiz yoxdur
dedi.
Şirkətin təsisçisi bunu Tesla Model 3 avtomobilinin istehsalını artırmaq üçün lazım olmasıyla izah etdi. İstehsal prosesinin yaxşılaşdırmaq üçün pul lazımdır. Standart “Model 3” 35 min dollar dəyərində satılacaq, şirkət bununla da gəlir qazanacaq. Eyni zamanda iş adamı qeyd etdi ki, 2018-ci ildə işçi heyəti şirkət üçün lazım olduğundan çox artmışdır. Mask deyir ki,
Başqa bir yol yoxdur.
Elektrik avtomobillərin istehsalçısı 2018-ci ildə çətinliklərlə üzləşdi. İlk rübdə şirkət rekord zərər etdiyini bildirib (700 milyon dollardan çox). Teslanın maliyyə göstəriciləri növbəti rüblərdə düzəldiyini göstərdi. Lakin Mask skandalın mərkəzində idi. O tvitterdə 420 dollara səhmlərin geri almasını planladığını yazdı. Bu, ABŞ səlahiyyətlilərinin diqqətini çəkdi. ABŞ qiymətli kağızlar komissiyası, iş adamının investorları aldatdığını söylədi. Mask səlahiyyətlilərlə razılaşma əsasında 20 milyon dollar ödəyərək, idarə heyətinin başçısı olaraq istefa etdi. O, noyabr ayında 2018-ci ili karyerasının ən pis ili adlandırdı.
