Texnologiya nəhənglərinə qarşı kobalt davası
Konqo Demokratik Respublikasındakı kobalt mədənlərində övladları zərər görən ailələr, Google və Apple kimi texnoloji şirkətlərdən təzminat istədi.
Konqolu ailələr Apple, Google, Dell, Microsoft və Tesla kimi dünyanın nəhəng şirkətlərinə kobalt mədənlərində uşaq işçilərinin ölümünə və yaralanmasına dəymiş ziyana görə kompensasiya istədi.
Beynəlxalq Hüquq Müdafiəçiləri (IRAdvocates) ABŞ-da 14 konqo ailəsi adına texnologiya şirkətlərinə qarşı məhkəmə prosesi başladı.
Məhsullarında kobalt istifadə edən şirkətlər uşaq ölümünə kömək etmək və təbliğ etməkdə günahlandırılırlar.
Ailələrin itirilmiş və əlil uşaqlarına kompensasiya tələb etdikləri dava, onillərdir danışılan mədənlərdəki sui-istifadəyə qarşı başlanılan ilk məhkəmə prosesidir.
İngilis mədən şirkəti Glencore’un mədənlərində qanunsuz olaraq işləyən uşaq mədənçiləri tərəfindən çıxarılam kobaltın əvvəlcə Brüssel mərkəzli Umicore firmasına, oradan Apple, Google, Tesla, Microsoft və Dell-ə göndərildiyi deyilir.
Telefon və kompüter kimi texnoloji məhsulların batareyalarında istifadə olunan kobaltın yarıdan çoxunun Konqo Demokratik Respublikasından çıxarıldığı bilinir.
