Yuxusuzluqla mübarizə aparmağın yolları.
Şübhəsiz ki, çoxumuz heyatımızda bir dəfə də olsun yuxusuzluqla qarşılaşmışıq. Normal orqanizmin sərf olunmuş gücü və zehni yenidən bərpa etməsi üçün ən az 7-8 saat yatmaq lazımdır.
Yuxusuzluq
Ən pis vəziyyət uzunmüddətli yuxusuzluqdur. Əgər xroniki hala çevrilərsə, özünüzün həll etməyiniz çətin olduğu üçün mütəxəssislərin köməyinə ehtiyacınız olacaq. Bundan əlavə, yuxusuzluq yalnız insanın sadəcə yuxuya gedə bilməməsi demək deyil. Bədənin kifayət gədər yeni enerji ala bilmədiyi səthi yuxu da yuxusuzluğa bərabərdir.
Yuxusuzluğun yaranma səbəbləri.
Beləliklə, yuxusuzluq probleminin yaranmasının əsas səbəblərini nəzərdən keçirək. Ən əsası bu insanın fiziki, zehni və emosional vəziyyətləri və ətrafdakı faktorlardır. Sonuncudan başlayaq. Sözsüz ki, ətrafdakı faktorlara xarici qıcıqlandırıcıları aid etmək olar: otağın havası (temperatur, rütubət, oksigen zənginliyi), yataq avadanlıqları (rahat yataq və ya divan, ortopedik döşək və yastıq), səs fonu (məişət texnikası, qonşular).
Yatmaqdan əvvəl otağı havalandırmaq lazımdır. Bu müddətə gəzməyə çıxmaq yaxşı olar. Həkimlər tərəfindən rahat yuxu üçün 16-20 dərəcə istilik tövsiyyə olunur, lakin bu parametrləri öz arzularınıza görə qiymətləndirin. Rütubəti nəmləndiricilər vasitəsilə normaya sala bilərsiniz, əsas da havanı qurudan istilik qurğularından istifadə edirsinizsə. Siz həmçinin ionlaşdırıcıdan da istifadə edə bilərsiniz.
İndi yataq haqqında danışaq. Burada yataq avadanlıqları seçiminə diqqətlə yanaşmaq lazımdır. Yataq kifayət qədər geniş və rahat olmalıdır. Matras və yastıqların yumşaqlığı seçimində satıcılar kömək edə bilər. Yatağınız təmiz, rahat və göz oxşayan olmalıdır.
Otaqda səsli işləyən məişət texnikası olmamalıdır (radio, televizor). Telefon mümkin qədər uzaqda olmalıdır. Bütün səs və şüalar sağlam yuxunun düşmənidir. Beyin yuxu zamanı dincəlməlidir. Televizor izləməkdən mümkün qədər qaçılmalıdır.
Fiziki səbəblərə ağır iş yükü, qədərindən artıq yemək, həyat tərzi, xəstəliklər və qeyri-düzgün rejim daxildir. Beləki, sağlam yuxu üçün sağlam həyat tərzi lazımdır, daha dəqiq desək zərərli vərdişlərdən imtina etmək (spirtli içkilər və siqaret), günlük rejimə riayət etmək (özünüzü hər gün eyni vaxtda yatmağa öyrəşdirin) və qidalanma rejiminə fikir vermək (çalışın yuxudan 1,5-2 saat qabaq ağır yeməklər yeməyin). Mədəni yüksək rejimdə işləməyə məcbur etməmək üçün yatmamışdan qabaq meyvə və ya 1 stəkan qatıq içmək məsləhətdi. Gün ərzində hərəkətli olmağı da unutmayın.
Ruhi və emosional vəziyyətlər yuxusuzluğun əsl dostudur. Və bu həyəcanın mənfi və ya müsbət səbəbdən olması vacib deyil. Bu zaman özünə gəlmək və bu fikirlərdən uzaqlaşmaq lazımdır.
Yuxusuzluğu necə aradan qaldırmaq olar.
Vücudu rahatlamaq üçün dəmlənmiş sakitləşdirici otlar və ya efir yağlarindan ibarət isti vanna qəbul etmək lazımdır. Yatmaqdan qabaq bir qaşıq balla sakitləşdirici təsiri olan isti çay yatmağa kömək edəcək. Tənəffüs üzərində qurulmuş müxtəlif sakitləşmə texnikaları mövcuddur. Xoş sədalar altında meditasiya etmək də yaxşı təsir bağışlayar.
Əlbəttə, bunlar bütün tövsiyələr deyil və yuxusuzluq daimi yoldaşınızdırsa sizin mütəxəssisə ehtiyacınız var.
